2012.8.16 伊豆長岡温泉 (静岡県)

下午到達伊豆長岡駅。

呢間富士見温泉酒店，話每間房都見到富士山架。

不過當日多雲，個職員話好可惜，即係睇唔到啦，唉…嘥氣！

見唔到富士山就去酒店嘅小型資料館睇吓。

晚餐有新鮮嘅鮑魚。

又有新鮮嘅龍蝦。

前菜都唔錯。

呢碟魚都幾好味。

沙律就細碟咗D。

碗飯係糙米，好健康，好味。碗湯好濃，好飲。

甜品就好普通，都OK啦。

富士見温泉酒店嘅環境算可以啦，有迎送服務，要預約。

2012.8.16 沼津港 (静岡県)

今日到静岡県東部嘅沼津港。

沼津港係魚市場，面積唔算大，但係都有好多海鮮架。

兩隻響螺1000円，唔平，但係夠新鮮。

呢份セット2000円，如果加埋龍蝦只係3150円。

呢份都係2000円，好大份。

有手信店&食肆。

專賣龍蝦味食品嘅店舖。

「桜海老」，唔知味道係點嘅呢？

正所謂一期一會，我哋都入去幫襯吓。

300円一杯，連殼食，脆卜卜，好鮮甜。 

回程經三島轉車去伊豆，遇上まつり，停低睇咗一陣。

2012.8.9 伊賀上野城 (三重県)

伊賀上野城係100名城之一。

追城進行中，影張相認識吓先。

伊賀上野城內有好多展品。

城內擺放咗好多唔同款式嘅頭盔。

喺上野城頂層可俯瞰三重縣嘅上野市，連天花板都有嘢睇。

伊賀上野城嘅高石垣，係日本一嚟架。