2019.2.9 多気北畠氏城館 & 津城 (三重県)

 

今期最後嘅兩個印，早上先出發到伊勢竹原，一定要夾啱巴士時間，否則有排等。

多気北畠氏城館嘅スタンプ喺北畠神社社務所裏面，落車時咁啱落雪，周圍人影都唔見，感覺好荒涼。至於多気北畠氏城館，早已不存在喇。

蓋完印就等回程巴士，喺伊勢竹原駅等咗一個鐘先有JR去下一站，真係飢寒交迫。

到達津新町後，大概行15分鐘就去到高山神社社務所蓋印，津城公園裏面就將天守復原重建喇。

2019.2.8 赤木城 (三重県)

 

到達熊野市駅，要等差唔多半個鐘先有巴士去熊野市紀和鉱山資料館。

赤木城嘅スタンプ就喺熊野市紀和鉱山資料館裏面。由熊野市返松阪要三個鐘JR，所以蓋完印就要快啲走喇。

2019.2.7 美濃金山城 (岐阜県) & 吉田城 (愛知県) & 田丸城 (三重県)

 

去美濃金山城要搭名鉄，再喺名鉄明智駅搭ＹＡＯバス，美濃金山城スタンプ就喺可児市観光交流館裏面。

可児市観光交流館擺設咗一啲武士嘅展品，仲有啲美濃金山城嘅史料。

要登美濃金山城就要先預備好，因為又高又遠呀！

匆匆忙忙就趕去第二站嘅吉田城 鉄櫓，除咗鉄櫓，公園裏面無其他嘅遺跡喇。

最後一站係田丸城，到達田丸駅時已經係晚上七點，除咗蓋印，邊道都唔駛去喇。

2019.2.6 苗木城 & 郡上八幡城 (岐阜県)

 

去苗木城嘅巴士班次唔多，一定要夾啱時間，另外去苗木遠山史料館時要注意迷路啊！苗木城スタンプ喺苗木遠山史料館裏面。

由郡上八幡駅行去郡上八幡城登山口大約半個鐘，搭巴士就大約五分鐘。

從登山口行上郡上八幡城約十五分鐘，一路行斜路，有啲喘氣。

上到天守閣就先蓋印，然後周圍睇下。