2012.12.29 安土桃山文化村 (三重県)

12月29日下午到安土桃山文化村遊覽。

裏面有個安土城，係戰國時代織田信長下令打造嘅名城。不過天色唔好，影得唔靚。

呢處就係通往安土城嘅樓梯。

安土桃山文化村係一處歷史文化嘅遊園地，除咗忍者、武士嘅劇場外，仲有好多迷宮、鬼屋、體驗館等等，用之前提過嘅PASS，入場&玩遊戲都唔駛錢。

喺忍者屋內扮Michael Jackson嘅45度傾斜舞姿。

佢哋嘅招牌吉祥物。

安土桃山文化村close嘅時間係16:00，我哋到達時係三點左右，根本唔夠時間參觀，最後匆匆忙忙睇吓手信，買咗盒招牌cookies就要返歸嚕。

晚餐係燒肉，一齊飲番杯beer，體驗吓佢哋嘅居酒屋文化。

2012.12.29 鳥羽湾めぐりの遊覧船 (三重県)

12月29日朝早去搭「鳥羽湾めぐりの遊覧船」，欣賞下伊勢湾入口周邊嘅風景。

「鳥羽湾めぐりの遊覧船」好有中國FEEL。

一邊睇風景，一邊食吓嘢，餵吓海鷗，吹吓海風，心情好舒暢。

ê自從知道佢哋用咁殘忍嘅方法去捉海豚，以後決定唔去收費嘅場館睇海豚ê

到達イルカ島，先搭吊車上山頂，話就話山頂，其實行上去都只係十幾分鐘。都唔駛兩分鐘架吊車就上到去。

好廣闊，一望無際，令人豁然開朗。

睇完風景又去睇海獅表演。

睇完海獅表演就落番去摸海豚同埋餵海豚。餵完之後，見到佢地仍然喺果度等第二批人嚟餵。

呢個イルカ島好細，好快就行完，跟住就上觀光船返碼頭。因為鳥羽一番街D蠔實在太「正」，所以今日嘅LUNCH又係海產。

呢幾日好似同D貝殼類海產有仇咁，係咁食！食！食！