2016.8.15 長篠城 (愛知県)

今朝大清早出發，經本長篠駅轉車去長篠城。

喺本長篠駅等車嘅時候見到張觀光地圖，似乎周邊都有啲景點。

到達長篠城駅，周圍靜英英，個車站係無人駅，可以自出自入。

走出車站，跟住指示，大約行8分鐘就得喇。

沿路行都可以見到啲遺跡標示。

根據地圖指示，呢道係一處行山嘅好地方。

話咁快就到達長篠城址嘅史跡保存館喇。

第一時間梗係蓋印啦。

跟住就周圍行下。

2016.3.26 山中城 (静岡県)

到咗三島駅，先買張一日乘車券，淨係去山中城都可以慳到320円。

落咗巴士就見到「山中城跡」個牌。

行過對面馬路，就係要蓋印嘅山中城跡売店。

蓋完印，入去「山中城跡売店」食嘢唞一唞。

山中城係ハイキング嘅好地方。

沿住箱根旧街道行，真係有排行，32km長嘅坂道，絕對唔簡單。

無乜準備嘅話，喺附近行下就算喇。

2016.2.14 岩村城 (岐阜県)

喺JR恵那駅轉乘明知鉄道去岩村駅，到岩村城本丸要行40分鐘。

沿住岩村町通り行，經過温故の井，到太鼓櫓約20分鐘。

過埋ふれあい通り，就係太鼓櫓正面入口。

除咗太鼓櫓，都無乜嘢好睇喇。

最重要嘅就係去岩村歴史資料館蓋印。

蓋完印就睇下風景，因為觀光案內所話呢處嘅農村景觀係日本一嚟架。

上本丸嘅話要再行20分鐘，唔行喇，天色麻麻，亦唔夠時間。