2014.1.5 名古屋城 (愛知県)

參觀名古屋城可以搭「なごや観光ルートバス」，單程大人200円，小人100円，如果有時間遊覽，咁就要買「1ＤＡＹチケット（1日乗り放題）」，大人500円，小人100円，只要出示「1ＤＡＹチケット」，好多景點入場都有優惠，抵啲。名古屋城入場料500円。

 

名古屋城係德川家康下令建造嘅平地城堡，於1609年開始興建。1945幾乎全被燒毀，只係剩番三個望樓&三扇門，現時見到嘅只係原址重建。

天守閣樓高七層，擺放咗唔同嘅展品，仲有仿古嘅街道&歷史資料。

上到頂層，蓋個紀念印，俯瞰靚靚嘅景色。

城堡嘅吉祥物。

另外仲有其他展覽館。

遊覽完畢，又匆匆趕返東京，呢日係日本新年假期最後一天，新幹線指定席全滿，喺自由席搵到座位已經好好彩，食飯團做午餐都無所謂。

2014.1.4 下呂温泉 (岐阜県)

根據林羅山(江戸時代初期の朱子学派儒学者)記載，下呂温泉、有馬温泉&草津温泉被稱為「日本三名泉」。

下呂温泉嘅範圍好大，有好多店舖&唔同嘅景點。

温泉街有好幾個足湯，行到攰嘅時候可以浸吓。

飛騨川散策道，係夏天散步嘅好地方。

有時間又可以參觀吓温泉博物館。

呢條橋路面有好多掌印，但係無留意係邊個嘅掌印。

橋下面有個露天温泉，啲人赤條條咁喺果道浸，真係忘我，當然，呢啲係佢哋嘅文化，只係我哋唔習慣，不過天寒地凍，勇呀！