2018.12.26 浜松城 & 諏訪原城 & 興国寺城 (静岡県)

 

朝早出發去浜松城公園，公園嘅面積唔大。

浜松城嘅天守好細，裏面有些少展品。

最重要嘅事就係蓋印。

第二站係諏訪原城，夾唔到巴士時間，由JR駅行上去大概30分鐘。

四野無人，先蓋印，逛個圈就走。

最後一站係興国寺城，夾唔到巴士時間，唯有行去，又行咗30分鐘。

又係一片荒蕪之地，蓋印，影幾張相，趕快搭巴士返去。

2018.4.3 名城公園フラワープラザ (愛知県)

因為行程中有時間剩，所以去名城公園賞花，重點係免費。

名城公園フラワープラザ啲花都好靚。

適逢櫻花季節，順道賞櫻，唔錯。

2018.4.3 名古屋市下水道科学館 (愛知県)

名古屋市下水道科学館主要介紹污水處理&有關水道管理嘅工作，類似香港嘅太空館、科學館之類。

我到下水道科学館嘅目的只有一個，就係睇渠蓋。各地都有唔同嘅設計，有啲真係好靚。

日本人喜愛收集渠蓋卡(マンホールカード)，又喜歡帶埋張渠蓋卡去返張卡嘅位置影相。我都跟風拎咗一張。