12月25日朝早出發，到達熱海時大概十二點鐘，先去酒店放低行李，食完碗美味嘅烏冬就開始熱海嘅行程喇。
熱海駅前有個足湯，因為無時間，所以唔得閒試。
今日嘅目的地係熱海城，搭バス大約二十分鐘，喺終點站落車，然後搭登山吊車就可到達，吊車往復車費500円，單程300円。
喺山頂駅行去熱海城大約五分鐘，從錦ヶ浦山頂眺望遠處景色，令人豁然開朗。
熱海城只係原地重建，入場料900円，佢嘅外貌宏偉，裏面就非常現代化，有昔日嘅武士衣飾用品擺設，也有小賣店，從城樓頂層遠望美麗嘅海景，確實令人心曠神怡。
個人認為最值得睇嘅就係各地嘅城郭模型，做得好精細。
行完熱海城就搭バス返去今晚入住嘅「大江戶温泉物語」旅館，經過7-11時見到佢架公司車，幾靚喎。
「大江戶温泉物語」提供唔同花款嘅浴衣俾客人選擇，房間好新淨，價錢每人7800円，包早晚兩餐自助餐。
