2009.12.25 白川郷 (岐阜県)

喺「高山桜庵」唞咗一晚，第二朝大清早到高山駅集合，參加one day local tour遊覽白川郷。

白川郷嘅雪景好靚，不過真係凍得好緊要。

合掌造り家屋建築群非常有特色，得到世界遺產認證。

有啲係展覽館，保留咗以前嘅擺設。有啲就仍有村民居住，有啲就用作民宿，可以預約入住。

有啲就售賣紀念品，有啲就做食肆。

呢份係今日嘅團餐。

食完飯就梗係要去瞭望台搵個靚景影相啦。

2009.12.24 飛騨民俗村・飛騨の里 (岐阜県)

去飛騨の里，買濃飛「飛騨の里入場券＆バスセンターとの往復乗車券」就比較抵。

落咗巴士，行過對面就係喇。

冬天去雪景好靚，不過真係好凍。

裏面有唔同嘅茅葺き屋根民家，又有合掌造り家屋，可以抵禦大風雪，係非常有特色嘅建築。

民家裏面保持住當時嘅面貌，啲模型都好靚。

仲介紹點樣飼養飛騨牛。

返到高山駅就即刻去「飛騨花里の湯．高山桜庵」check in。

高山桜庵有grand open promotion，包早晚兩餐食飛騨牛しゃぶしゃぶ只係9000円。

早餐係自助餐，都好豐富架。

2009.12.23 博物館明治村 (愛知県)

今朝一早喺名古屋搭名鉄，到犬山駅再轉巴士去明治村博物館，全程約一個鐘。

裏面復原咗明治時代嘅建築，展示咗當時店鋪嘅面貌。

呢個金澤監獄好大，仲可以俾人體驗一下坐監嘅滋味，裏面個廁所都係古董嚟架。

呢道係宇治山田郵便局，舊址喺三重県伊勢市，建於明治42年（1909），裏面有好多郵筒，仲有郵票賣，正常營業中。

呢道係札幌電話交換局，舊址喺札幌市大通，建於明治31年（1898），裏面有唔同款式嘅電話，介紹咗電話嘅演變過程。

明治村好大，認真睇嘅話，一日都未必行得晒。最後我哋搭完蒸気火車就走喇。