2009.12.23 博物館明治村 (愛知県)

今朝一早喺名古屋搭名鉄，到犬山駅再轉巴士去明治村博物館，全程約一個鐘。

裏面復原咗明治時代嘅建築，展示咗當時店鋪嘅面貌。

呢個金澤監獄好大，仲可以俾人體驗一下坐監嘅滋味，裏面個廁所都係古董嚟架。

呢道係宇治山田郵便局，舊址喺三重県伊勢市，建於明治42年（1909），裏面有好多郵筒，仲有郵票賣，正常營業中。

呢道係札幌電話交換局，舊址喺札幌市大通，建於明治31年（1898），裏面有唔同款式嘅電話，介紹咗電話嘅演變過程。

明治村好大，認真睇嘅話，一日都未必行得晒。最後我哋搭完蒸気火車就走喇。