12月28日朝早上喺 ビジネスホテル マルヤマ 食完早餐就出發到志摩嘅西班牙村去。呢間商務酒店雖然外貌唔多靚，但係D房都OK，最重要係價錢唔貴兼包埋早餐，4800円二人，份早餐簡簡單單，但係幾好食。
搭完電車再轉巴士，差不多個半小時就到達西班牙村喇。
呢日天陰有雨，氣溫約七度，遊人唔多，多得張PASS，搭車入場全部唔駛俾錢，真係抵！抵！抵！
裏面嘅設計大致同迪士尼差唔多，面積唔算大。
D遊戲包括甚麼迷城、360度影院、過山車之類。
玩到12點幾就食午餐，不過選擇非常少，價錢唔平。呢份SET要1000円，份量好少。
呢個遊戲好似迪士尼嘅小小世界，但係D公仔就無咁靚。
西班牙村雖然細細地，但係仲有新嘢，而家應該已經有得玩嚕。
呢個資料館就介紹咗西班牙嘅歷史、工藝品、生活文化等等。
呢個迷宮都幾好玩，搵到出路就可以蓋印。
最後喺村裏面逛吓，下午三點幾就走囉。返到鳥羽大約四點幾，天色越來越昏暗，今晚去一番街食海鮮。
食DINNER之前先買手信。
叫咗一份定食，全部都係貝殼類海鮮，跟住又ORDER咗海膽&生蠔，D生蠔真係勁好味。
沒有留言:
張貼留言