2012.12.29 安土桃山文化村 (三重県)

12月29日下午到安土桃山文化村遊覽。

裏面有個安土城，係戰國時代織田信長下令打造嘅名城。不過天色唔好，影得唔靚。

呢處就係通往安土城嘅樓梯。

安土桃山文化村係一處歷史文化嘅遊園地，除咗忍者、武士嘅劇場外，仲有好多迷宮、鬼屋、體驗館等等，用之前提過嘅PASS，入場&玩遊戲都唔駛錢。

喺忍者屋內扮Michael Jackson嘅45度傾斜舞姿。

佢哋嘅招牌吉祥物。

安土桃山文化村close嘅時間係16:00，我哋到達時係三點左右，根本唔夠時間參觀，最後匆匆忙忙睇吓手信，買咗盒招牌cookies就要返歸嚕。

晚餐係燒肉，一齊飲番杯beer，體驗吓佢哋嘅居酒屋文化。